Të hënën në Itali do të nisë programi “Striscia la notizia” që sivjet do të ketë për herë të parë dy moderatore femra. Ato janë të dyja figura shumë të njohura e të dashura të televizionit, por me sa duket jo dhe aq të njëra tjetrës. Mediat e shtetit fqinjë shkruajnë sot se Michelle Hunziker dhe Belen Rodriguez e urrejnë njëra-tjetrën. Ndonëse me siguri në ekran do t’i shhohim të qeshura e plot batutë, në të vëertetë pas kuintave ka plasur lufta mes të dyjave. Stafi teknik mësohet të ketë thënë për “Novella 2000” se Belen po bën shumë prova sipas kërkesës së producentëve, dhe po këshillohet nga Michelle. Kjo e ka tensionuar bukuroshen argjentinase, së cilës i duhet të bëjë të njëjtin rol me kolegen që këtë detyrë e ka marrë para 12 vjetësh. Siç duket kjo ka bërë që Rodriguez të sillet shumë keq me të gjithë duke shfaqur gjithnjë tension. Nga ana tjetër Michelle është shumë e qetë. Teknikët tregojnë se ajo është gjithnjë e dashur me këdo e se për ta mbetet mbretëresha e vetme e programit.
