Armina u ka dhënë mundësi ndjekësve këtë të hënë t’i bëjnë pyetje. Një prej tyre e ka pyetur se si do të ishte jeta e saj nëse nuk do ta kishte njohur Shkëlzen Berishën. Armina duket se i ka pasur të qarta planet sesi do të ishte jeta e saj dhe tregon se asokohe kishte dëshirë të bënte një master jashtë shtetit në Londër ose Milano.
“Mendoj qe do kisha studiuar jashtë për master, diçka e lidhur me modën ose filmin, pasi në atë periudhë punoja në një revistë mode dhe më ishte kthyer në pasion. Planet e mia ishin London ose Milan sepse gjatë kohës së Miss World pata edhe oferta të punoja në këto vende për fotomodele, por nuk ishte ajo gjë që doja të bëja në jetë. Ndihem shumë me fat që e kam njohur dhe sërish punoj në modë dhe tv. Nuk ka gjë më të bukur se sa kur gjen balancë mes dashurisë dhe karrierës. Tani masteri mbeti në plan të dytë për modë, por do e bëj së shpejti”, është përgjigjur Armina.
