Në muajin tetor, Arbana dhe Eduarti u bekuan me Diellin, vogëlushin që i solli diell jetës së tyre. Por çifti ka preferuar që Diellin ta mbajnë sa më larg rrjeteve sociale duke mos publikuar foto të tij e le më portretin që nuk bëhet fjalë ta zbulojnë.
Megjithatë Eduarti i ftuar sot në “Wake up”, na ka shuar kureshtjen për një detaj, duke treguar se vogëlushi i ngjan atij.
“Dielli është shumë i mbarë, ashtu si baba, fle natën, nuk zgjohet. Fle në orën 00:30 si të rriturit, por fle gjithë natën, është brilant. Kurse ditën e ke për këngë e valle”, tha Eduarti teksa u shpreh i bindur që Dielli i ngjan atij.
E kur vjen puna “Më ngjan mua, të ngjan ty”, çdo çift ka ato zënkat e vogla, prandaj dhe ne presim reagimin e Arbanës tani.
