Bëni gati gërshërët se në pranverë rikthehet trendi i flokëve të shkurtra. Revista Cosmopolitan ka publikuar 10 trendet që do të bëjnë namin këtë pranverë e që do t’i shihni kudo në Instagram.
1.Prerja Bob – Ka dy arsye pse ju duhet kjo prerje: 1.Tregon tiparet tuaja më të mira (si përshembull mollëzat) dhe 2.Ju bën të dukeni si shefe pa u përpjekur shumë.
2.Vetëm 1 fije bjonde – Këtë trend e kemi parë gjatë 2020 dhe do të qëndrojë edhe këtë vit, por këtë herë diferencën do e bëjë vetëm një fije e vetme.
3.Kapele në formë kove – Në ditët kur përtoni të krihni flokët, ja zgjidhja.
4.Baluuuuuket – Sa herë jua kemi thënë? Dhe po jua përsërisim: Trendi i vitit 2021 janë: Baluket!
5.Kur vjen puna tek ngjyrat e flokëve, këtë vit trend do të jetë ngjyra lavender. Sigurisht për ata që guxojnë!
6.Flokët bisht me disa llastiqe. Lezetshëm!
7.Gërshetat nuk do mungojnë as këtë sezon, por këtë herë të ngjeshura pas kokës e të kapura në fund topuz.
8.Për vajzat që as nuk duan t’i presin flokët, as të guxojnë më ngjyrat, trend do të jenë edhe ondet klasike.
9.Ndërsa për ato që duan të duken sa më fëminore, dy bishtalecat do të jenë gjithashtu trend.
10.Dhe në fund një look klasik: Flokët topuz me disa fije të lëshuara.
