Prej pak kohësh Era Istrefi është zhvendosur në SHBA, për të provuar krijimin e një karriere ndërkombëtare. Gjatë muajve të fundit ajo ka publikuar këngë të shumta, një pjesë e mirë bashkëpunime me artistë të njohur si Konshens, Dimitri Vegas & Like Mike. Pavarësisht se është larguar nga vendlindja e saj, duket se Era e ka të vështirë ta harrojë Kosovën. Ditën e sotme këngëtarja ka treguar se është rikthyer sërish aty me mall dhe kënaqësinë më të madhe. Ajo ka publikuar në ‘Instagram’ një video në të cilën shihet duke udhëtuar me makinë dhe përkrah saj ka shkruar: “Gjithmonë ndjenjë e mirë të kthehem në Kosovë”.
Më pas ajo ka treguar se është pritur me një tufë lulesh, të cilat me siguri duhet t’ja ketë dhuruar ndonjë person i afërt i saj.
Nuk dihet se çfarë e ka rikthyer Erën në Kosovë, por është e qartë se ajo e ka shijuar shumë këtë udhëtim. Ndërkohë pritet që në 19 prill, këngëtarja të publikojë bashkëpunimin e parë muzikor me motrën e saj, Norën, që do të mbajë titullin “Nuk e di”. /revistawho.com
