Këngëtarja Filloreta Raçi, e njohur si Fifi është një prej personazheve që ka qenë në faqet e para rozë në muajt e fundit. Së pari për pjesëmarrjen e saj në “Big Brother Vip” dhe më pas për lidhjen me Adis Patushi, Fifi është në qendër të vëmendjes. Së fundmi, ajo përmes një postimi në “Instagram” ka dhënë një mesazh të qartë. Artistja shkruan se prej vitesh është munduar të shërojë plagët e fshehura pas buzëqeshjes, në të cilën ka pasur dështime, por që në fund të fundit është njeri.
“Pas kesaj buzeqeshje ka shume plage qe jam mundu me vite me i sheru .. pas kesaj buzeqeshje ka shume deshtime .. pas Fifit qe e shihni ju eshte nje femije i vogel qe nuk kishte dhe u deformu t’u punu per me bo e me arrit dicka ne jete .. pas cdo shperthimi emocional qe kam pas -dicka keni pa e dicka s’keni me pa kurre – ka shume thika , ka shume brryla e ka shume te padrejtesi qe s’keni me i kuptu se nuk i keni provu .. gjithsesi .. si njeri qe jam me te meta – e me budallaki – me te mira e te kqijaa – JAM NJERI”, ka shkruar Fifi krahas fotove.
