Ditën e djeshme në një ceremoni madhështore, u mbajt dasma më e përfolur e vitit. Princ Harry dhe Meghan Markle, i thanë po dashurisë së tyre. E cilësuar më tepër moderne se tradicionale, në dasmën e tyre u thyen disa rregulla të familjes mbretërore të cilat janë respektuar nga martesat e mëparshme të mbretërisë.
1-Ata nuk u martuan në një ditë jave, por në fundjavë e pikërisht në ditën e shtunë.
Tradicionalisht dasma mbretërore mbahet gjatë ditëve të javës dhe atë ditë është një festë kombëtare për banorët e Britanisë, por Harry dhe Meghan zgjodhën të martoheshin të shtunën, më 19 maj, ndryshe nga tradita e familjes. Kjo ditë nuk është pushim për qytetarët britanikë.
2-Harry vendosi një unazë martese të zakonshme, ndryshe nga tradita e familjes mbretërore, sipas së cilës unaza e Princit duhet të jetë prej ari nga Uellsi.
Është tradicionale që në familjen mbretërore të ketë unaza ari të Uellsit, por Harry-i mban në të vërtetë një unazë platini.
3-Ata zgjodhën një shije jo tradicionale për tortën e tyre të dasmës.
Është traditë që në familjen mbretërorë tortat të jenë me fruta të ëmbla ose të thata, arra ose erëza. Por torta e Meghan dhe Harryt ishte me shije limoni të freskët, për të simbolizuar pranverën./revistawho.com
