Marrëdhënia e Princ Harry me vëllain e tij, Princ William, ka qenë ndër më të komentuarat në rrjet. Së fundmi një burim për ‘People’ ka treguar se tensionet midis William dhe Harry-t kanë nisur në momentin kur ky i fundit vendosi të kurorëzonte dashurinë e tij me Meghan Markle në martesë, vetëm 1 vit pasi e kishte njohur.
William mendonte se vëllai i tij po nxitonte shumë me këtë vendim, ndaj kjo bëri që Harry të lëndohej dhe të mërzitej me të. Megjithatë pas të gjitha spekulimeve, Kate dhe William janë shprehur se ata janë të lumtur se Meghan dhe Harry po krijojnë një jetë të re dhe i kanë ndihmuar ata me zhvendosjen e shtëpisë së re në Frogmore.
Burimi pranë ‘People’ kanë pohuar gjithashtu se pavarësisht të gjitha problemeve të dyshes, William do të jetë gjithmonë një nga mbështetjet më të mëdha të Harry-t. Kujtojmë se për pak javë dukesha e Sussex dhe Princ Harry do të bëhen prindër për herë të parë me një fëmijë, gjinia e të cilit nuk është zbuluar ende./revistawho.com
