Rikonstruksioni i Teatrit Kombëtar është kthyer në kryefjalën e vëmendjes mediatike kohët e fundit. Madje kjo çështje ka ndarë në dy grupe edhe vetë aktorët, nga njëra anë ata që janë kundër prishjes së teatrit dhe nga ana tjetër ata që janë pro.
Ditën e sotme kjo çështje ka ngjallur debat edhe midis dy aktorëve Gentian Zenelaj dhe Erion Isai, aktor dhe drejtor i Teatrit të kukullave. Artistët kanë replikuar me njëri-tjetrin nëpërmjet statuseve në rrjetet sociale.
“Për Erion Isain dhe të tjerë: Po pija kafen e paraprovave Erion dhe lexova ato rreshta qe ke shkruar për situatën e teatrit..Me ra në sy krahasimi që i bën kolegëve të tu me minjtë e teatrit..pastaj i quajte mitingarë ..partiakë….zhurmanjosë etj etj… Në fillim u revoltova pastaj piva edhe nje kafe tjeter dhe vendosa të shkruaj dy rreshta une për ty..Erion je drejtor i ri..je pak a shumë si një nuse e re …Po kështu i themi ne nga anët tona… Nusja e re…dhe si nuse e re ke shumë vështirësi përpara..ke beteja të përhershme me kunatat e tjera …ato që janë drejtorë ose ato që nëpërmjet partisë duan të bëhen drejtorë si ty..por ke detyrën e vështirë t’i fitosh edhe zemrën vjehrrës së bashkisë dhe sidomos vjehërrit të kryeministrisë…
E di Erion nuk e ke aspak të lehtë….e ka politika ketë gjë….të detyron të gëlltisësh gjëra që nuk duhet…dhe problemi është që nuk i vjell dot më…do i kesh në bark tërë jetën…I quajte kolegët e tu partiakë Erion…por harron që aty ka shumë kolegë..ka kolegë që flasin në skenë por ka kolegë edhe poshtë që dëgjojnë… Po quan partiak Robert Ndrenikën???Aman ma thuaj emrin e partisë së Robertit që ta votoj gjithë jetën…po quan partiak Mirush Kabashin ???Roza Anagnostin? Si quhet partia e tyre Erion ???Se do ti ndjek gjithë jeten… Sepse i kam politikanët e mi të preferuar…kanë qënë edhe të tutë Erion..por në mes të rrugës zgjodhe teater tjeter. Erion prano një këshillë nga një njeri që të njeh që në krye të herës..mos u bëj marionetë Erion. Sepse meqë sapo je bërë drejtor i Teatrit Kombëtar të Kukullave duhet ta kesh kuptuar tashmë si funksionon marioneta..ka me fije nga sipër por ka edhe nga ato që u futet dora poshtë. Kam vedosur mos ta marr për fyerje asnjë nga epitetet e tua Erion .Seriozisht….por shumë seriozisht po ta them …Mendo për këto që të thashë…Seriozisht.”- ka shkruar Genti.
Ndërkohë edhe Erioni nga ana tjetër ka replikuar duke thënë se çdo gjë do e tregojë me punë./revistawho.com
