Një postim i vetëm në Instagram mjaftoi që Fjoralba Ponari të tërhiqte vëmendjen e të gjithëve. Moderatorja u shfaq me një pamje krejt tjetër nga ajo me të cilën jemi mësuar prej vitesh: flokë të errëta, brune, që ndryshonin menjëherë gjithë balancën e look-ut të saj.
Pamja e re krijoi konfuzion dhe kureshtje, duke bërë që shumë ndjekës të pyesnin nëse bëhej fjalë për një ndryshim të vërtetë apo thjesht për një eksperiment estetik.
Nuk dihet nëse fotoja është e edituar apo nëse Fjoralba ka vendosur paruke për një rol pasi mbi foto ajo ka përdorur një emoji të një çak-u që përdoret në sete filmash.
Megjithatë, edhe si ide, brunia rezultoi shumë e suksesshme. Ngjyra e errët i shton pamjes së saj një ndjesi më të ngrohtë, më të sofistikuar dhe më të fortë vizualisht, sidomos në kombinim me kostumin burgundy dhe linjat e pastra të veshjes.
Edhe pse biondja mbetet firma e saj dhe ajo që e identifikon menjëherë në publik, kjo foto tregoi qartë se një Fjoralbë brune do të ishte po aq elegante dhe bindëse.
