Elvana Gjata u rikthye befas me një album të ri me titull “Celu”, një album që këto 3 ditët e fundit duhet thënë po bën namin. Kudo dëgjojmë Elvanën, në rrugë, në makina, në lokale e në rrjete sociale flitet për të. Përpos publikut, diva e muzikës shqiptare mori një mbështetje të madhe edhe nga kolegët e saj artistë.
Çiljeta Xhilaga, Rudina Dembacaj, Jona Spahiu, Endrit Mërtiri, Klaudia Pepa, Eneda Vaso, Adrola Dushi, Klea Huta janë vetëm pak nga ata shumë artistë që kanë shpërndarë këngët e Elvanës e kanë shprehur vlerësim për punën e saj.
Vetë Elvana nuk bën pothuajse kurrë qoka, madje është ndër të paktat që Instagramin e përdor vetëm për vete, kur i duhet të nxjerrë këngët e reja. Megjithatë mjafton që Elvana të nxjerrë një këngë të re dhe askush nuk vë re nëse ajo bën apo jo qoka: Të gjithë postojnë këngët e saj, të gjithë e duan.
