Finalja e Eurovizion do të mbahet sot në mbrëmje në Torino, Itali.
25 finalistët do të konkurrojnë në skenën më të madhe të Evropës, por një prej tyre është në qendër të vëmendjes dhe bëhet fjalë për Orkestra Kalush e Ukrainës.
Grupi folk-rap janë favoritët kryesorë për të fituar sepse vetëm prania e tyre në festival është një plus, duke marrë paradysh situatën aktuale.
Në fakt grupi i djemve kishte kërkuar të qëndronin në luftë, por vendosën të zbatojnë detyrën e tyre si përfaqësues në Eurovision.
“Ndërsa flasim, vendi ynë dhe kultura jonë është nën kërcënim. Por ne duam të tregojmë se jemi gjallë, kultura ukrainase është e gjallë, është unike, e larmishme dhe e bukur”, tha për CNN, Oleg Psyuk, një nga djemtë e grupit.
Edhe largimi i tyre përmes korridoreve e mes plumbave, për të shkuar deri në Itali, nuk ishte i lehtë.
Shumë njerëz në rrjet shprehen gati të sigurt se sakrifica e tyre për të qenë në festival ia ka vlejtur e se do të jenë fituesit. Nëse kjo ndodh, kjo do të ishte fitorja e tretë e Ukrainës, pas vitit 2004 me Ruslana-n “Wild Dances”dhe 2016-ës me Jamala-n “1944”.
