Ditën e sotme djali i Tuna Sejdiut dhe Patris Berishës, Tian, feston 2-vjetorin e lindjes. Ashtu si dhe vitin e kaluar për ditëlindjen e vogëlushit është organizuar një festë e madhe, ku të pranishëm ishin miqtë dhe të afërmit e familjes. Këtë vit mami Tuna dhe babi Patrisi kishin menduar që festa e Tianit t’i ngjasonte një fshati, sepse i gjithë ambienti i jashtëm i hotelit, në të cilin u organizua ditëlindja, ishte shndërruar në një fermë.
Tuna ka publikuar në ‘Instagram’ disa imazhe nga festa dhe duket se e gjithë familja e ka shijuar në maksimum. Në disa foto Tiani shfaqet duke luajtur me qingjat e “fermës” dhe pranë tij shihen edhe Tuna me Patrisin.
Përkrah imazheve shumë të ëmbla familjare këngëtarja ka bërë edhe një dedikim emocionues për të voglin e saj.
“Arritja më e madhe në jetë je ti për mua. Titulli më i bukur që del nga goja jote. Urime ditëlindjen jetë! Të do mami dhe babi”, ka shkruar Tuna në dedikimin e saj.
Kujtojmë se Tian është fëmija i vetëm i çiftit të njohur dhe prandaj në çdo moment e gjithë vëmendja i dedikohet vetëm atij. /revistawho.com
