I bazuar në librin “Fire & Blood” të George Martin, traileri zbulon kastin kryesor dhe hedh një vështrim në disa nga ndërtimet e shtrenjta, me çdo episod që vlerësohet të ketë kushtuar rreth 20 milionë dollarë. Historia është vendosur 200 vjet përpara ngjarjeve të serisë origjinale, duke detajuar historinë e House Targaryen. Yjet përfshijnë Rhys Ifans, Olivia Cooke, Paddy Considine, Emma D’Arcy, Eve Best dhe Matt Smith.
Protagonistja Cooke ka zbuluar se, ndryshe nga seriali paraardhës, nuk do të ketë dhunë grafike ndaj grave, gjë kjo që më parë tërhoqi polemika.
“Nuk do të ndihesha rehat të isha pjesë e diçkaje që ka dhunë skandaloze grafike ndaj grave pa asnjë arsye, veç se tërheq shikuesit”, ka thënë ajo.
“Game of Thrones” u shfaq premierë në rrjetin HBO në vitin 2011 dhe pati mbi tetë sezone, duke u bërë shfaqja më e madhe e kompanisë së filmave. Seriali ka fituar 59 “Emmy”, rekord ky për një serial dramatik.
“House of the Dragon” fillon më 22 gusht në HBO në SHBA dhe Sky Atlantic./revistawho.com
