Aktorja Cameron Diaz mund të jetë përdorur si korriere droge dhe nuk e ka ditur. Këtë herë aktorja hollivudiane është rrëfyer për postkastin “Second life”, teksa ka folur për fillimet e karrierës së saj.
Diaz tha se ndërsa po kalonte një periudhë të vështirë ekonomike, u zhvendos në Paris për të punuar si modele.
“Isha në gjendjen time financiare më të keqe. Isha atje (në Paris) për një vit, por nuk arrita të gjeja punë. Me përjashtim të një rasti kur mendoj se jam përdorur si korriere droge për në Marok. Të betohem”, tha ajo.
Atje siç kujton ajo i caktuan punë si modele dhe i duhet të mbante një valixhe të mbyllur rrugës për në Marok. Aty sipas tyre kishte “kostume”.
Kur mbërriti në Marok dhe i kërkuan të hapte valixhen, aktorja nisi të mendonte çfarë mund të kishte brenda saj.
“Unë isha ajo bjondja me sy blu në Marok, ishin vitet 90′. Kisha veshur xhinse të grisura, çizme dhe flokët i kisha të lëshuara. Më pyeten se çfarë kishte në valixhe. Aty fillova të frikësohesha”, rrëfen ajo.
Më tej ajo shton se e la valixhen aty dhe u kthye në shtëpi në Paris, si të vetmen punë që gjeti aty. Kujtojmë se aktorja pas pothuajse një dekadë pauzë, do të rikthehet në kinema me komedinë “Back in Action”.
