Sot xhirohet puntata e radhës e ‘Duplex’, e cila do të transmetohet të nesërmen. Mbrëmja e së shtunës në ‘Klan Tv’ është gjithmonë e mbushur me humor dhe argëtim. Edhe këtë javë, në puntatën e parafundit të spektaklit të humorit, do të ketë surpriza dhe të ftuar specialë. Karakteret që i kemi parë çdo javë do të ngjiten sërish në skenë me skeçe të reja që do organizohen me lirshmëri nga aktorët e njohur.
Burime për ‘RevistaWho.Com’ kanë zbuluar se të ftuarit e kësaj jave do të jenë deputeti Kujtim Gjuzi dhe Kelvi Kadilli. Politikani në fjalë ka vetëm pak kohë që ka hyrë në parlament, ndërsa Kelvi Kadilli njihet si një nga moderatorët më të diskutuar. Ai merr vëmendje me deklaratat pa dorashka dhe intervistat e shpeshta me personazhe publikë.
Mos harroni, ‘Duplex’ transmetohet të shtunë në 20:05 dhe kjo është puntata para finales së madhe që mbyll sezonin e suksesshëm. / revistawho.com
