Sapo përfundon një projekt televiziv i drejtuar prej saj, si një traditë tashmë, Alketa Vejsiu niset me pushime për t’u rikthyer me energji të reja në sezonin e ri. Zakonisht prezantuesja preferon Italinë dhe disa peisazhe shumë relaksuese të vendit fqinj.
Këtë herë Alketa ka zgjedhur një destinacion shumë më të largët për të pushuar, Afrikën. Vejsiu ka vendosur të ndajë me ndjekësit e saj në rrjetet sociale eksperiencën e saj aspak të zakonshme, në kontinentin e largët.
Peisazhe fantastike, plazhe të pa populluara dhe oaze relaksi. Por kjo është vetëm një anë e medaljes. Afrika është një vend shumë i varfër, ku qëndrojnë të gërshetuara së bashku mrekullitë e natyrës dhe dhimbja që shkakton skamja.
“Afrika është një mrekulli natyrore por një dhimbje e madhe! Varfëri ekstreme që imagjinata njerëzore nuk e percepton dot deri sa e prek! Afrika nuk rrëfehet dot me fjalë dhe foto, por kuptohet vetëm kur jetohet. Ka shumë më mirë së Shqipëria patjetër! Por ka shumë shumë më keq…Bota është shumë e padrejtë! Sikur ta dinin këta njerëz se çfarë mundësish ekzistojnë përtej realitetit të tyre të izoluar do shkulnin gjithë xhunglën për ta ndryshuar fatin dhe të ardhmen. Ata thjesht nuk e dinë…”-ka shkruar Alketa bashkangjitur videos ku duket një pamje fantastike, por mrekulli e natyrës, jo e mendjes së izoluar njerëzore.
Këto mund të konsiderohen ndër pushimet më të veçanta të Alekta Vejsiut, larg luksit, midis mrekullisë natyrore dhe dhimbjes së madhe./revistawho.com
https://www.instagram.com/p/BkNJTDVAy8o/?utm_source=ig_share_sheet&igshid=1iatagzqd2c4y
