“Kur do lindësh?”, “Akoma s’ke lindur?”, “Pse nuk e tregon barkun”- A ju kanë lodhur edhe ju këto komente në postimet e personazheve të famshëm? Se Elita Rudin e kanë lodhur dhe me të drejtë! Moderatorja, e cila është në pritje të ëmbël ka publikuar këtë mbrëmje disa statuse ku shprehet e indinjuar me komentuesit që bëjnë pyetje pa vend ndaj grave shtatzëna.
“Njerëzit janë kaq të pasjellshëm ditët e sotme! Shoh pa pushim komente të tilla nëpër foto të grave shtatzënë. “Kur do pjellësh? Hajdo moo lind moo. Pse po e nxjerr barkun? Pse po e fsheh barkun? Pse po e mban barkun? Thua veç ti ke bërë fmi!” Stop bullizmit ndaj secilit person. Nëse nuk të pëlqen personazhi që e ndjek, mund të mos e ndjekësh më! Meqë ra fjala unë do të lind kur t’i bëj 9 muaj të plota ishalla do Zoti! Aq duhet për me pas një shtatzëni të shëndetshme për mua dhe bebin! Për ju që i uroni lindje më të shpejtë një nëne ishalla ju fal Zoti”-shkruan Elita.
Në postimin e rradhës moderatorja ka fotografuar barkun e rrumbullakosur dhe dorën e Zërit i cili po pret me padurim që motra e tij të vijë në jetë.
