Rreth një muaj më parë, Mozzik publikoi këngën “MADAM”, e cila ishte tërësisht një dedikim për të dashurën e tij Loredana Zefin. Kënga u bë hit brenda pak ditëve duke u klikuar mbi 7 milionë herë. Por të gjithë u habitëm kur “Zzap and Chris” e fshinë këngën nga ‘YouTube’ duke e akuzuar se ‘beat-i’ është prodhuar nga ata. Pas këtij veprimi nisën menjëherë akuzat nga të dyja palët të cilët kërcënuan me betejë ligjore, por mesa duket çdo gjë është zgjidhur.
“MADAM” është rikthyer sërish në ‘YouTube’ dhe këtë Mozzik ua tregoi të gjithë fansave të tij. Ata e pritën shumë mirë lajmin dhe nuk mund të mungonin komentet e shumta./revistawho.com
