Dhjetori është koha më e bukur e vitit. Metropolet, e vogla e të mëdha, ndezin dritat e marrin ngjyrat e festave, nëpër vitrina dyanesh, lokale, rrugë e sheshe. Qytetet shndërrohen si me magji, si në përralla, për të gëzuar jo vetëm ata që besojnë më shumë tek mrekullitë me babagjysh, pra fëmijët, por dhe prindërit apo dhe gjyshërit e tyre.
Në një turravrap gëzimi, të gjithë shkojnë drejt këtyre shesheve të zbukuruara, aq më shumë kur ato marrin formën e një mini qyteze brenda qytetit të madh e shërbejnë dhe si pikë takimi e argëtimi mes miqsh.
Kështu po ndodh prej ditësh edhe në sheshin e madh të Tiranës, aty ku pak kohë më parë kryetari i Bashkisë, bëri si çdo vit ritualin e ndjezjes së dritave të bredhit të madh, e anekënd atij sheshi.
Dritat e ndezën si për të dhënë sinjalin se në atë qytezë të vogël po nis një jetë e re, me lojra nga më fantastiket, me muzikë e shtëpiza druri, ku mund të gjesh gjithçka.
Bashkia e kërkoi për qytetarët e saj, Le Spot Group e realizoi sipas vizionit të pagabueshëm të saj. Rezulatit? Në një turravrap gëzimi, të gjithë po shkojnë atje tek qyteza e re, ngritur mu në zemër të Tiranës.
Sepse festat përveçse në shtëpi, mund të shijohen edhe rrugëve të një qyteti.
[fbvideo link=”https://www.facebook.com/LeSpotGroup/videos/1739670746104371/” width=”500″ height=”400″ onlyvideo=”1″]
