Gara më e bukur dhe epike do organizohet në Shqipëri nga data 5 deri më 12 qershor, e nëse jeni fansa të sporteve ekstreme kjo është gara për ju. Garues nga shumë vende të botës tashmë i janë bashkuar kësaj gare, por ka edhe pak kohë për t’u futur në listë.
Deri më datë 31 vazhdojnë regjistrimet, ndërsa në datat 4 dhe 5 do të bëhet hapja. “Rally Albania” lejon garimin me motorr, quad, makinë dhe SSV. Edicioni i këtij viti do nisë në Vlorë e do mbarojë në Tiranë, ndërsa internerari do jetë: Sarandë – Ersekë – Pukë.
Organizatorët e “Rally Albania 2021” premtojnë një edicion shumë të suksesshëm, në garën që nga pjesëmarrësit dhe njohësit e mirë të sporteve ekstreme është konsideruar gjithmonë një sfidë për nga vështirësia e terrenit, duke u vendosur në krye të listës së garave më të mira në rajon. Me rivierën e mrekulleshme të vendit tonë dhe atraksionet turistike që sportistëve do ju duhet të përshkojnë, gjithçka është një vlerë e shtuar për të nxitur adrenalinën e për të nxjerrë një fitore të merituar në fund të gjithçkaje.
7 ditë plot emocion, adrenalinë dhe festë pas çdo internerari të përshkruar./revistawho.com
