Inteligjenca artificiale tashmë është bërë pjesë e pandashme e jetës sonë të përditshme, duke na lehtësuar detyra si planifikimi i buxhetit, krijimi i përmbajtjes apo programimi. Megjithatë, ekspertët paralajmërojnë se përdorimi i saj pa kufij dhe “besimi i verbër” mund të sjellë pasoja të rënda. Edhe drejtori ekzekutiv i OpenAI, Sam Altman, ka deklaruar se përdorimi i tepërt i ChatGPT është “i keq dhe i rrezikshëm”, sidomos te të rinjtë që mbështeten tek ai për çdo vendim.
Sipas një raportimi të CNET, ka të paktën nëntë raste kryesore ku përdorimi i ChatGPT mund të jetë i dëmshëm:
1. Aktivitete të paligjshme: përdorimi i AI për shkelje ligjore mbart pasoja të rënda.
2. Diagnozat shëndetësore: këshillat e AI nuk zëvendësojnë mjekun dhe mund të çojnë në rrezik serioz.
3. Shëndeti mendor: ChatGPT nuk ndjen empati të vërtetë dhe këshillat e tij mund të jenë të gabuara.
4. Vendime emergjente: nuk mund të reagojë si shërbimet e urgjencës.
5. Financat personale: të dhënat e trajnimit nuk janë gjithmonë të përditësuara, sidomos në tatime.
6. Të dhënat e ndjeshme: ngarkimi i informacionit privat mund të rrezikojë sigurinë dhe privatësinë.
7. Mashtrimi në shkollë: përdorimi për detyra akademike mund të sjellë pasoja disiplinore.
8. Lojërat e fatit: ChatGPT nuk parashikon të ardhmen dhe mund të japë informacione të pasakta.
9. Dokumentet ligjore : hartimi i testamenteve apo kontratave nga AI rrezikon vlefshmërinë e tyre.
