Që prej ditës së djeshme kur kënga e Ermal Metës dhe Fabrizio Moro u prezantua në Sanremo është bërë kënga më e diskutuar pasi dy këngëtarët u akuzuan për plagjiaturë. Kënga e tyre me titull “Non mi avete fatto niente” ishte identike me një tjetër këngë “Silenzio” e cila do të merrte pjesë në Sanremon e të rinjve në 2016, por kjo gjë nuk ndodhi. Autori i të dyja këngëve është i njëjti, prandaj drejtuesit e festivalit nuk e quajtën plagjiaturë këtë këngë, kjo edhe për faktin se vetëm refreni ishte i njëjtë. Sipas rregullave një këngë mund të ripërpunohet duke marrë fraza nga një tjetër. Por e vërteta është që kënga u pezullua nga Sanremo. Dhe pas gjithë kësaj zhurme vjen reagimi i Ermal Metës.
“Përshëndetje, është momenti për të folur.
Kemi dëgjuar të flitet për plagjiaturë në lidhje me këngën e Sanremos dhe demon, që është një këngë e shkruar nga Andrea Febo (bashkëpunëtor i njohur i Fabrizios) që është paraqitur në Sanremon për të rinjtë tre vite me parë. Ai u eliminua dhe kënga nuk u komercializua kurrë. Fabrizio, unë dhe Andrea kemi ruajtur një pjesë të asaj kënge për të mos humbur një vepër të bukur (dhe këtë e kemi thënë në shume intervista) dhe të tre së bashku kemi shkruar një këngë të re me një kuptim të ri komplet ndryshe.
Plagjiaturë do të thotë të kopjosh, por është totalisht qesharake duke marre parasysh faktin që Andrea Febio ka shkruar me mua dhe Fabricion “Non mi avete fatto niente”, ndërkohë që të dy jemi autorë prej shumë vitesh e kemi shkruar shumë këngë që kanë sjellë shumë suksese si për ne ashtu edhe për të tjerët. Kush na njeh e di këtë gjë. Kur vendosëm të tregonim një gjendje shpirtërore të përgjithshme nëpërmjet kësaj kënge nuk e kemi bërë thjesht pre tu paraqitur në festival, por për të folur për paqen. Na vjen shumë keq për atë që po ndodh sepse nuk kemi ardhur në festival për tu tallur me njerëzit. Ne jemi këtu për ti përkrahur. Jemi të sigurt se çdo gjë do shkoje mire. Përqafime Ermali.”
