Vrasja e gjyqtares nga bashkëshorti ishte një ngjarje e dhimbshme që tronditi opinionin publik. Nuk ishte hera e parë që viktima kërcënohej, madje ajo kishte urdhër mbrojtjeje. Lidhur me këtë ngjarje ka reaguar rëndë aktori i njohur Visjan Ukcenaj. Ndër të tjera ai ka shkruar: “Shoh vazhdimisht sarkazma sterile në “facebook” për këtë larjen e enëve dhe për këtë ( k.r ) e famshëm por asnjë sarkazëm për këtë shtet ordiner që nuk zbaton detyrën. Ti ke një hall merr policine, nuk të vjen në kohë ti ke urdhër mbrojtje nuk të mbron njeri. Njerëz të sëmurë na rrethojnë kudo nuk kemi c’ti bëjmë por sistemin e sëmurë e kemi ne në dorë. Mund t’i ndodhë kujtdo të ndodhet në një situatë të tillë . Kush do na mbrojë kur nuk na mbron shteti ynë, vendi ynë? Kush do na mbrojë? Epo unë e kam një zgjidhje. Përgatituni mbroni veten se nuk i ha…. për ne. Mos u bëfshim për t’u mbrojtur prej këtyre. Më falni për përdorimin kronik të fjalës …”/revistawho.com
