Një drekë ose darkë fantastike, me sasi të ulët yndyrnash dhe burim i shijshëm i vitaminës C. E thjeshtë për t’u përgatitur, plot aromë dhe shije mesdhetare.
Ingredientët kryesorë: tagliatelle, fileto pule, domate të thara, domate qershi, djathë Pecorino
Koha e përgatitjes: 30 minuta
Përbërësit
500 gr tagliatelle
300 gr fileto pule
100 gr domate të thara
1 tufë borzilok
10 domate qershi
1 lugë kafeje piper i ëmbël i kuq
100 gr djath pecorino i grirë
70 ml vaj ulliri
4 thelpinj hudhre
1 qepë e vogël e grirë
Hapi i parë
Pasi kemi pastruar mirë perimet, i presim domatet e freskëta në 4 pjesë, presim hollë domatet e thara, grijmë qepën dhe hudhrat hollë.
Hapi i dytë
Në një tenxhere vendosim pastën të ziejë dhe në një tenxhere tjetër fillojmë me përgatitjen e salcës.
Hapi i tretë
Vendosim në tenxhere qepën, hudhrat, fileton e pulës të prerë në kube, domatet e thara, dhe i skuqim për pak minuta.
Hapi i katërt
Më pas vendosim domatet qershi, piperin e kuq, kripën, piperin dhe borzilokun.
Hapi i pestë
Pasi të kenë marrë shijen që ne duam, vendosim pastën në salcë, djathin e grirë, pak vaj ulliri dhe pak lëng nga makaronat e ziera nëse duhet.
