Nëse dëshironi të gatuani një pjatë shumë të shpejtë dhe të shëndetshme atëherë provoni recetën e perimeve të freskëta të stinës, marinuar me vaj ulliri dhe erëza. Kjo pjatë shoqëron çdo vakt gjatë gjithë javës dhe shërbehet menjëherë pas pjekjes ose si sallatë e ftohtë disa orë më vonë.

Përbërësit

2 kunguj jeshil

2 speca të kuq

2 speca jeshil

2 patëllxhanë

8 domate qershi

4 kërpudha Champignon

4 kërpudha Pleurotus

6 lugë gjellë vaj ulliri

Kripë

Piper

Thimo

Rozmarinë

Udhëzimet

Hapi 1

Lajmë kungujt, specat dhe patëllxhanët dhe i presim në feta.

Hapi 2Në një enë vendosim vaj ulliri, rozmarinë, thimo, kripë dhe piper. I lëmë të marinohen në zjarr për 5 minuta.

Hapi 3Marrim tiganin zgarë dhe e vendosim në zjarr që të ngrohet.

Hapi 4Kontrollojmë nëse zgara është gati dhe vendosim perimet që premë për t’i pjekur.

Hapi 5Pasi perimet janë pjekur nga të dyja anët, i heqim nga zgara dhe i vendosim për pak kohë në enën me erëzat e marinuara.

Hapi 6Perimeve të marinuara i shtojmë pak uthull balsamike dhe vaj ulliri, dhe janë gati për t’u shijuar.