Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Bukë me sodë
250gr miell i bardhë për çdo përdorim
2 lugë kafeje sodë buke
250ml qumësht ose ujë i vakët
Përziejmë miellin, kripën dhe sodën së bashku dhe më pas shtojmë qumështin ose ujin. I përziejmë mirë në mikser për 7 minuta dhe më pas i vendosim në një tavë në formë buke (mund të përdorni format që dëshironi për këto bukë). Për të mos ngjitur brumi në anët e tavës, lyejeni atë me vaj e më pas spërkateni me miell. Më pas e lëmë brumin të pushojë për 15 minuta dhe e vëmë të piqet në 200 gradë për 30 minuta.
Supë me produkte deti
1 levrek (rreth 300g)
8 karkaleca
2 kallamarë
8 midhje
1 lugë oriz
2 domate
2 limonë
1 karotë
1 patate
1 qepë
1 tufë selino
Pak brokoli
Pak xhenxhefil (ginger)
Kripë
Piper
Vaj ulliri dhe shafran (zafferano)
Pastrojmë prodhimet e detit, presim kallamarët në rripa dhe i lëmë të kullojnë. Perimet i presim në formë katrore dhe erëzat i presim hollë. Në një tenxhere hedhim të gjitha perimet njëherësh, shtojmë ujë aq sa të mbulohen dhe i lëmë të ziejnë për 30 minuta. Pas kësaj kohe shtojmë produktet e detit, së bashku me orizin, lëngun e limonëve, shafranin, fetën e xhenxhefilit, kripën, piperin dhe vajin e ullirit. Pasi kanë zier bashkë për 15 minuta, heqim peshkun, e pastrojmë nga halat, e hedhim përsëri në supë, të cilën e lëmë të ziejë dhe për 5 minuta të tjera./revistawho.com
