Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Fileto viçi me petë kulaçi
800gr fileto viçi
1 petë sfogliatë
4 domate
1 qepë
4 thelpinj hudhre
1 tufë borzilok
Pak roazmarinë
Pak trumzë (thimo)
Pak vaj ulliri
Pak spec djegës
Kripë
Piper
Përgatitja e rolesë: Në një tigan skuqim fileton e viçit me vajin e ullirit, 2 thelpinjtë e hudhrës, trumzën dhe rozmarinën. Pasi të ketë një ngjyrë të errët, e vendosim sipër petës së kulaçit, i hedhim kripë dhe piper, e mbyllim mirë dhe e pjekim në furrë me 170 gradë për 40 minuta. Gjatë kësaj kohe përgatisim salcën e domates.
Përgatitja e salcës: Vendosim në një tenxhere qepën, vajin e ullirit, borzilokun, kripën dhe piperin. I skuqim për 15 minuta dhe më pas e kalojmë në multi. Këtë salcë e vendosim në pjatë dhe sipër saj vendosim fileton e viçit.
Krem bananeje
1 banane
50gr sheqer
200ml qumësht panda
3 lugë krem pastiçerie
1 bishtajë vaniljeje
4 fije shafran
Bananen e prerë në copa të vogla e vëmë në një tenxhere me një lugë sheqer. E përziejmë derisa të ketë filluar të karamelizohet. Më pas në tenxhere shtojmë edhe qumështin panda. E përziejmë për 2 minuta dhe e kalojmë në multi bashkë me gjalpin dhe kremin e pastiçerisë. E vendosim në gota të vogla, e futim në frigorifer dhe pas kësaj kremi është gati./revistawho.com
