Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Supë e ftohtë me domate e borzilok
300gr domate
100gr domate qershi
Gjysmë gote uthull
1 spec i kuq
1 spec jeshil
1 spec djegës
1 kastravec
2 kastarvecë turshi
3 thelpinj hudhre
2 tufa borzilok
1 kërcell selinoje
Kripë
Piper
100ml vaj ulliri
Pasi kemi larë perimet me ujë të rrjedhshëm, i presim në forma sipas dëshirës. I vendosim të gjitha produktet së bashku në një enë dhe i lëmë të marinohen për 12 orë. Pas 12 orësh, e kalojmë supën në multi dhe më pas e kalojmë 3 herë në një sitë shumë të hollë. E vendosim supën në figorifer për 3 orë dhe më pas ajo është gati për t’u shërbyer.
Pankekë
110gr miell
280ml qumësht
2 lugë gjalpë
1 vezë
1 lugë kafeje fryrës brumi
Pak kripë
- Përziejmë miellin, fryrësin dhe kripën së bashku.
- Përziejmë qumështin, vezët dhe gjalpin.
- Vendosim në mikser të dyja përzierjet dhe i përziejmë me shpejtësi mesatare për 4-5 minuta.
- E lëmë brumin të pushojë për rreth 15 minuta.
- Ngrohim tiganin, e lyejmë me pak vaj ose gjalpë dhe më pas shtojmë një sasi brumi të piqet.
- I pjekim derisa të marrin ngjyrë të artë të bukur në zjarr mesatar.
(Për një pankek mesatar sasia e mjaftueshme e brumit është 60ml ose një filxhan kafeje jo i mbushur plot)./revistawho.com
