Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Tartar me salmon
300gr fileto salmoni
1 lugë kafeje mustardë
Pak rukola dhe spinaq gjethevogël
1 limon
2 kastravecë turshi
1 qepë e njomë
50ml vaj ulliri
Pak kripë
Pak piper
Presim salmonin në kube të vogla dhe i vendosim në një enë. Aty shtojmë edhe qepën e grirë hollë, mustardën, kripën, piperin, vajin e ullirit, lëngun e limonit, kastravecët turshi të grirë hollë.
I përziejmë mirë dhe me kujdes, i lëmë të marinohen për 15 minuta. Më pas dekorojmë në pjatë, duke shtuar edhe rukolat me spinaqin sipër, e duke u kaluar pak kripë, limon e vaj ulliri për shije.
Krem çokollate me portokall
300ml qumësht
2 të verdha veze
100gr sheqer
150gr çokollatë 55%
80gr gjalpë
Pak vanilje pluhur
Lëkura e një portokalli
Në fillim ngrohim qumështin, vaniljen dhe lëkurën e portokallit. Përziejmë sheqerin me të verdhat dhe më pas shtojmë gradualisht qumështin e zier që përgatitëm më parë. I përziejmë bashkë në një tenxhere të vendosur mbi zjarr në temperaturën 82 gradë. E heqim nga zjarri dhe shtojmë në të çokollatën. Pasi është ftohur, shtojmë gjalpin dhe e kalojmë në përzierës (multi)./revistawho.com
