Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Gjuhëzë e pjekur me letër furre
Përbërësit:
4 gjuhëza
2 domate
2 limonë
1 gotë verë e bardhë
1 tufë trumzë
1 tufë majdanoz
Vaj ulliri
Kripë
Piper
Presim limonin dhe domatet në feta ndërsa majdanozin e presim hollë. I përziejmë së bashku me erëzat dhe i vendosim në qendër të një letre furre, duke shtuar sipër tyre peshkun. Më pas i shtojmë vaj ulliri dhe verë. I mbështjellim si karamele dhe i vendosim në një tavë me 200 gradë.
Supë me patate
Lëng pule
300 gr patate
100 gr presh
2 thelpinj hudhre
2 limonë
1 qepë
1 qepë e njomë
1 lugë kos
1 lugë gjalpë
1 arrë moskat
100 ml vaj ulliri
Kripë
Piper
Pastrojmë patatet, qepët, preshtë, hudhrat. Më pas i presim patatet në kube, ndërsa qepët dhe hudhrat i presim hollë. Në tenxheren ku më parë kemi vendosur vajin e ullirit, shtojmë qepët dhe hudhrat duke i kaurdisur.
Sa pa marrë pak ngjyrë shtojmë edhe patatet. Vazhdojmë i skuqim edhe për pak, aq sa përbërësit të marrin shijet e njëri-tjetrit. Më pas shtojmë lëngun e pulës, kripën, piperin dhe arrën moskat dhe i lëmë të ziejnë për 45 minuta. Më pas e kalojmë në multi ku kalojmë edhe lëngun e limonëve dhe kosin./ revistawho.com
