Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Sallatë me pasta
Përbërësit:
200 gr pasta
1 qepë e njomë
2 domate
Pak brokoli
100 gr djathë i bardhë
50 gr kaperi
100 gr ullinj
Kripë
Piper
Vaj ulliri
Gjysmë limoni
Gjysmë tufe borzilok
Përgatitja:
Ziejmë pastën, duke pasur kujdes që të mos zihet shumë dhe më pas e kullojmë. Presim domaten në kube, qepën në feta dhe brokolin e presim hollë. Bashkojmë perimet me pastën dhe u shtojmë më pas përbërësit e therë djathin, ullinjtë, kaperin, vajin e ullirit, kripën, piperin dhe limonin. Më pas i përziejmë lehtë.
Pulë me kerri
Përbërësit:
3 fileto pule
1 lugë kerri
200 ml pana
1 qepë
2 thelpinj hudhre
50 ml vaj ulliri të aromatizuar me spec djegës
1 lugë çaji kos
Pak kripë
Pak piper
Përgatitja
Pastrojmë dhe presim në kube fileton e pulës, e marinojmë atë me kerin, vajin e ullirit, kripën, piperin, dhe e lëmë për 30 min. Më pas në një tigan hedhim vajin, hudhrat dhe sapo të jetë ngrohur morë tigani shtojmë në të kubet e filetos së pulës dhe i skuqim për pak minuta. Në fund shtojmë panën dhe i lëmë për disa minuta të ziejnë përsëri.
Për më shumë receta klikoni në www.renatomekolli.com/ revistawho.com
