Bukë–panine
200 g miell i fortë ose miell për bukë
150 ml ujë i vakët
Gjysmë luge kafeje kripë
10 g maja
50 ml vaj ulliri
Përziejmë miellin me kripën, e vendosim në mikser bashkë me to dhe vendosim edhe përbërësit e tjerë. E përziejmë për 7 minuta në shpejtësinë e mesme dhe e lëmë brumin të pushojë për 40 minuta. Pas kësaj kohe e punojmë me duar, duke i dhënë format që dëshirojmë. I vendosim në tavë me letër furre dhe e lëmë edhe për 30 minuta të tjera të fryhet. E pjekim për 15 minuta në 200 gradë.
Këtë lloj buke me forma të ndryshme mund ta përdorni për sanduiç.
Patë e pjekur me mjaltë dhe portokall
1 patë (afërsisht 3 kg)
Gjysmë gote konjak
50 ml vaj pikant i aromatizuar
100 ml lëng portokalli
1 gotë ujë
100 g mjaltë
2 lugë mustardë
1 kg patate shumë të vogla
300 g karota
2 qepë
Pakë arrë moskat
2 shkopinj kanelle
Trumzë (thimo)
Pak rozmarinë
Kripë
Piper
Pasi kemi pastruar mirë patën, e vendosim të tërën (pa e prerë) në një tavë. I shtojmë aty të gjithë përbërësit e tjerë (përveç patateve). E mbyllim mirë tavën me letër alumini, shtojmë patatet dhe vendosim tavën përsëri në furrë në 170 gradë dhe për 1 orë. / revistawho.com
