Edhe pse kaloi vetëm pak kohë në shtëpinë e “BBVA”, Redon Berani shfaqi një interes të veçantë për Egli. Megjithatë, duket se Egli tashmë ka zhvendosur vëmendjen e saj te Gjesti, duke i lënë ndjenjat e Redonit pas.
Pas deklaratave të hapura mes Eglit dhe Gjestit, Redoni reagoi në rrjetet sociale. Ai postoi një video të ish-presidentit Hashim Thaçi me fjalët: “Zemra ime është e lënduar, por jo edhe e thyer, mendja ime është e rënduar, por jo edhe turbulluar,” duke e shoqëruar me mbishkrimin: “Gjendja emocionale.”
Pavarësisht situatës, Redoni duket se ruan një qëndrim pozitiv ndaj dyshes. Në një tjetër postim, ai shpërndau një foto të Eglit dhe Gjestit duke shkruar: “Amo prap se prap mbesin 2 lojtarët e mi favorit.”
