Reperi i njohur Diddy duket se pas ndarjes nga jeta të ish-partneres Kim Porter po kalon një periudhë të vështirë. Ai nuk po mundet dot ta rikuperojë dot këtë dhimbje dhe e kujton vazhdimisht të ndjerën. Së fundmi me anë të një foto të tyre të vjetër, Diddy ka kujtuar në ‘Instagram’ këngën e tij të parë të publikuar në vitin 1997, që njëkohësisht ishte dhe momenti kur i tha për herë të parë të dua. ‘Më kujtohet Kim kur fluturoi për të më parë mua gjatë xhirimeve. Ajo ndërmori një udhëtim prej 12 orësh me avion nga LA dhe 3 orë udhëtim në shkretëtirë, pa u ankuar. Kjo foto do hyjë në histori, pasi ishte hera e parë që thashë kjo është e imja. Dhe ishte hera e parë që i thashë të dua’, shkruan reperi.
https://www.instagram.com/p/BvogKRRHK_n/
Kujtojmë që Diddy dhe Kim filluan lidhjen në vitin 1994 dhe u ndanë në vitin 2007 ndërsa kanë bashkë tre fëmijë./revistawho.com
