Gent Fatali reperi i njohur nga Kosova, së fundmi ka dhënë një intervistë për ‘Prive’ ku ka zbuluar disa të detaje për projektin ‘Zemër e thyme’ që u prezantua më 7 prill. Kënga ka pasur sukses dhe shumë prej atyre që e kanë dëgjuar me siguri kanë pasur kuriozitet të dinë çfarë fshihet pas klipit dhe tekstit. “Kënga është frymëzuar nga një histori e vjetër e imja. Dikur ja kam thyer zemrën dikujt, por edhe zemra ime ka qenë e thyer. Tashmë nuk është më.”, -ka treguar Genti.
Më tej ai ka folur për impaktin publik që ka pasur kjo këngë duke zbuluar se ka marrë shumë mesazhe nga femra të cilat shprehin dëshirën të ‘shpëtohen’ nga Genti si në klip. “Ka kaq shumë vajza që më thonë se i rreh i dashuri prej vitesh dhe nuk munden të shpëtojnë prej tij. Më prek shumë fakti që të tilla gjëra ndodhin në ditët e sotme”, -e ka përfunduar fjalën reperi i njohur./revistawho.com
