Reperi i njohur, Gashi ka qenë i ftuar special në “The Tonight Show Starring Jimmy Fallon” mbrëmjen që shkoi. Sigurisht që kjo nuk është një arritje e vogël, pasi programi në fjalë ndiqet nga miliona amerikanë dhe është një trampolinë për t’u bërë i njohur me anë të promovimit që bëhet.
https://www.instagram.com/p/BtzpJoXliKK/
Pjesëmarrja në programin në fjalë e ka prekur Gashin, i cili me anë të një postimi në ‘Instagram’ ka treguar për jetën e tij. “Kam mbajtur maskë skish sa herë që dilja për të hedhur plehrat sepse më vinte shumë turp po të më shikonin njerëzit. E urreja jetën time. Gjithmonë doja të isha diçka më tepër, se një djalë nga një ndërtesë në Brooklyn. Mbaj mend që në 2010 i thash babait tim që një ditë do isha tek Jimmy Fallon. Ajo ditë ishte dje. (Nuk do mbaj më një maskë pasi albumi im të publikohet)”,-ka shkruar reperi.
Me pak fjalë, Gashi ka përmbledhur të gjitha vuajtjet nga jetesa në Amerikë dhe komentuesit që e mbështetën kanë qenë të shumtë./revistawho.com
