Reperi shqiptar emocionon me fjalët për të fejuarën: “Ti je e vetmja që dite si të më bëje të bija në dashuri…”

Që Amina Shena është një nga vajzat më të bukura shqiptare, ky nuk është më një sekret. Por a e dinit që ajo sot feston 8-vjetorin e lidhjes me një nga reperat më të talentuar në Shqipëri? Adonis Dollapi i njohur me emrin e artit “Lazy” prej kohësh gjendet në tregun muzikor shqiptar, ku kujtojmë projektin e tij më të fundit në bashkëpunim me Gent Fatalin, “Balerina”. Por suksesi dhe dashuria ndonjëherë e bëjnë dhe rrugën bashkë. Ata tani janë të fejuar dhe fjalët e Lazy-t për të janë ajo çfarë do dëshironte çdo femër të dëgjonte: “Ti je e vetmja që dite si të më bëje të bija në dashuri, detajet e tua, eleganca jote dhe mënyra jote e të qenit, më pushtuan. Të falënderoj që ke qenë aty për mua dhe që ma ke bërë jetën më të lumtur. Gëzuar 8-vjetorin e dashura ime. Të dua!”, shkruan reperi. Eh ç’të bën dashuria!/revistawho,com