Moderatorja e emisionit të pasdites ‘Rudina’, Rudina Magjistari ka postuar në profilin e saj të ‘Instagramit’ disa foto të një sanduiçi të mykur të cilin ajo e kishte blerë për ta ngrënë. Fotot ajo i ka shoqëruar me një shkrim i cili tregon qartë revoltimin e moderatores e cila shprehet se kjo gjë është skandaloze.
“Ja çfarë me ndodhi sot rreth orës 15.00 në një nga kafenetë zinxhir të famshme të Tiranës e që edhe në paketim pretendon për ushqim të freskët! S’po e bej publik emrin e kompanisë, sepse ata e dinë cilët janë. Por nuk mund të mos i ndaja me ju këto pamje, sepse edhe tani që e kujtoj, më vonë, revoltohem nga fillimi. Skandaloze. Sepse në këtë gradë që ishte myku në sanduiç sot, më bën të dyshoj që nuk është çështje rastësie dhe thjesht me një ndjesë formale, unë dyshoj se vërtet i vret ndërgjegjja. Uroj që ky postim t’i ndërgjegjësojë më mirë”. /revistawho.com
