Revolucion në botën kishtare? 11 priftërinj kërkesë publike: Të ndryshojë rregulli i beqarisë, jemi të vetmuar

“Besojmë se nuk është e pranueshme t’i kërkosh çdo burri që bëhet prift, që të rrijë beqar. Mendojmë se çdo katoliku duhet t’i lejohet të zgjedhë nëse preferon apo jo të rrijë beqar, pavarësisht faktit nëse është prift apo jo. Ashtu si një kishën protestante apo në atë ortodokse. Në çdo kishë, në realitet, përveç kësaj katolike”. Kjo është një pjesë e letrës së hapur, shkruar nga 11 priftërinj gjermanë, tanimë të dalë në pension. Ata kanë marrë urdhëresën në vitin 1967 në Colonia, konsideruar si një nga qytetet më progresiste e “gay friendly” të Gjermanisë. Pas 50 vjetësh në shërbim në famullitë e tyre, ata kanë kërkuar që t’i jepet fund beqarisë si rregull. “Ajo që na shtyu të shkruajmë këtë letër është pikërisht eksperienca e vetmisë. Si pleq që nuk janë martuar sepse detyra iu kërkonte të mos e bënin, e ndjejmë vetminë të gjallë dhe djegëse pas 50 vitesh punë. Kemi zbatuar beqarinë sepse e kishim për detyrë por nuk e kemi zgjedhur”, shkruhet më tej në letrën e hapur të 11 priftërinjve. Beqaria për priftërinjtë u vendos në mesjetë edhe për arsye praktike, në mënyrë që ata t’ia linin pasurinë kishës e jo një fëmije. / revistawho.com