Është notere dhe pedagoge, por dashuria e saj e parë, shkencat sociale e kanë bërë Rezarta Koçin të ndihmojë sa më shumë njerëzit në nevojë, duke u bërë shpresa e tyre e duke i kthyer buzëqeshjen. Kështu ka vepruar edhe së fundmi duke iu bashkuar një prej nismave më të vlefshme, të ndihmojë azilin, aty ku strehohen gjyshërit që tani më shumë se kurrë kanë nevojë për pak lumturi.
“Përtej vështirësive… Me Miss Universe Albania 2020 Paula Mehmetukaj. Një nga nismat dhe kauzat më të vlefshme për t’i sjellë buzëqeshje dhe pak lumturi gjyshërve tanë, që nga fatkeqësia apo pamundësia ndodhen në azil. Sikur të mundja, do bëja të pamundurën që këtë buzëqeshje t’ua shikoja çdo ditë! Kujdesuni për prindërit, duajini gjyshërit tuaj, respektojini ata… Sepse shpresa në sytë e tyre është lumturia jonë! Do shihemi sërish”, – shkruan Rezarta krah videos së publikuar në Instagram, ku shfaqet së bashku me “Miss Universe Albania”, Paula Mehmetukaj duke shpërndarë ndihma në azil e duke ua bërë ditën më të bukur gjyshërve.
Rezarta, Paula dhe shoqata “E ardhmja jonë”, me përfaqësues Nertil Tola dhe Ilir Yzeiraj kanë ndihmuar gjithashtu edhe shumë familje të tjera në vështirësi.
View this post on Instagram
