Rihanna duket se është shumë e lumtur në krahët e reperit Asap Rocky, me të cilin dikur ishin thjesht miq. Këtë e vërtetojnë edhe miqtë e këngëtares, të cilët shprehen se Rihanna ka gjetur shpirtin binjak. Madje këngëtarja e ftoi reperin në shtëpinë e saj për festa duke e bërë kështu lidhjen familjare.
Një burim pranë çiftit tregoi se familja e Ririt e mbështet lidhjen e tyre dhe ishin shumë dakord që ajo ta sillte në Barbados.
“Asap Rocky shkon perfekt me familjen dhe miqtë e Ririt. Kjo është gjë e mirë për këngëtaren sepse familja e saj është shumë protektive. Ata janë shumë bujarë dhe njerëz modest kështu që ka qenë e lehtë për Rocky-n që të përshtatej. Pastaj ai ka qëllime të mira me të dhe të gjithë e shohin sa shumë kujdeset. Kjo ka rëndësi për familjen e Rihannës. Është ende herët për të thënë ku do të shkojë kjo lidhje”-tha burimi.
