Rihanna është bërë nënë për herë të parë. Lajmin e zbuluan mediat duke bërë të ditur se këngëtarja solli në jetë një djalë. Gjatë shtatzënisë, Rihanna u shfaq e veshur me shumë stil duke mos hequr dorë nga veshjet ekstravagante, por pas lindjes duket se gjërat nuk janë më njësoj.
Ajo është fotografuar për herë të parë që kur solli në jetë djalin në West Hollywood ku paparacët e kapën mat duke hipur në makinë. Këngëtarja kishte veshur rroba të gjera që i mbulonin gjithë trupin, bluzë gri dhe pantallona të zeza. Megjithatë nuk mungonin aksesorë si disa varse të mëdha dhe syzet teksa flokët i kishte kapur topuz.
