Nuk e kemi parë Rihanna-n ndonjëherë më të emocionuar se kaq. Ka pasur disa role dytësore nëpër filma por mundësia për një karrierë në fushën e kinematografisë, sapo trokiti për të. Bëhet fjalë për një mundësi bashkëpunimi me një nga regjisorët më të njohur botërorë, shanc ky që të vjen njëherë në jetë. Lajmin e dha vetë Riri pasi publikoi një foto me mbishkrimin: “Nuk mund ta besoj që erdhi mundësia. Korriku erdhi dhe kjo do të thotë se edhe “Valerian” po vjen! Eshtë hera ime e parë që punoj me ikonën Luc Besson! Mezi po pres ta shihni!!” Suksesi për Riri-n nuk paska limit, pas pushtimit të skenave ndërkombëtare të muzikës, është koha që të tregojë veten në fushën e aktrimit. Urime!
