Mbrëmjen e kaluar është mbajtur mbrëmja gala e “Diamond Ball”, eventit të bamirësisë që udhëhiqej nga Rihanna. E veshur me një fustan të bardhë, këngëtarja shkëlqeu dhe gjithë vëmendja ishte tek ajo, por një detaj me rëndësi nuk kaloi pa u vënë re.
Në këtë event nuk ishte i ftuar i dashuri i saj miliarder Hassan Jameel. Burime pranë Rihannës kanë zbuluar për “Hollywood Life” se çifti nuk është ndarë, por këngëtarja i është përkushtuar punës.
“Ajo po bën maksimumin që të ndajë punën nga jeta personale dhe kjo është arsyeja pse nuk e ka ftuar të dashurin e saj. Këto kohë ata po qëndrojnë larg njëri-tjetrit, por nuk janë ndarë akoma”,-janë shprehur burimet.
Kujtojmë se vetëm pak ditë më parë 30-vjeçarja prezantoi linjën e re të të brendshmeve në një sfilatë shumë të bukur, ku morën pjesë edhe motrat Hadid./revistawho.com
