Ayça Aysin Turan, të cilën për herë të fundit e kemi parë si “Firuze” në serialin “Histori dashurie” do të rikthehet në ekranin shqiptar me një serial të ri. Ajo do të luajë krah aktorit Tolga Saritas, gjithashtu shumë i njohur me rolet e tij. Ayça dhe Tolga do të luajnë në serialin “A.Riza” që do të transmetohet në sezonin e ri televiziv në Klan Plus.
Ali Riza është një taksist që jeton një jetë modeste dhe të lumtur duke u kujdesur për familjen e tij. Halide është një doktoreshë e suksesshme dhe shumë e bukur, babai i të cilës është bosi i botës së errët të krimit. Ali dhe Halide i përplas fati rastësisht kur Ali Riza po përgatitet për të martuar motrën e tij Nihan me shokun e tij të ngushtë. Në anën tjetër, Halide Gurkan është e ftuar në festën e ditëlindjes së një biznesmeni, mik i babait të saj. Gjatë mbrëmjes Burak, djali i biznesmenit të rëndësishëm, i propozon Halides për martesë. Ajo nuk pranon dhe kërkon të largohet nga festa duke marrë një taksi. Burak kërkon ta nxjerrë atë jashtë taksise dhe aty ndërhyn Ali Riza duke i dalë në mbrojtje Halides. Gjatë konfliktit Burak qëllohet nga Ali Riza. Burak “mësyn” në dasmen e motrës së Ali Riza dhe gjatë përleshjes, një tragjedi ndodh… Nusja vritet në ditën e dasmës… Ali Riza nis kështu krejt i vetëm, hakmarrjen ndaj mafies dhe vrasësit e motrës së tij.
