Artenisa Ozaj, moderatorja simpatike që prej kohësh është distancuar nga angazhimet në ekran, së fundmi është rikthyer me një tjetër projekt. Bëhet fjalë për një fushatë dedikuar biondeve që do promovojë produktet më të reja të ‘Elgon’. E kush më mirë se Artenisa mund të përfaqësonte bukurinë e biondeve. Siç vetë prezantuesja ka bërë me dije, kjo linjë e re profesionale do të prezantohet në disa vende të botës dhe pritet të ketë shumë sukses. ‘Elgon’ është një markë e njohur në kujdesin për pamjen e jashtme.
Të gjithë e njohin si linjën profesionale të bojrave që bën mrekulli për flokët me çdo përdorim. Shumë profesionistë ja kanë besuar punën e tyre produkteve të ‘Elgon’, e cila ka distributorin ekskluziv në Shqipëri. Artenisa është rikthyer për publikun që dikur e ndiqte në ekran, apo në programet që drejtonte, po aq solare dhe e bukur, sikur koha të ketë ndaluar për të. /revistawho.com
