Rikthehet Spice Girls por me një emër tjetër (VIDEO)

Vajzat e Spice Girls kanë konfirmuar ribashkimin e tyre për të festuar albumin e tyre debutues para 21 vitesh. 3 anëtaret e grupit, Mel B, Emma Bunton dhe Geri Horner, kanë publikuar një video mëngjesin e sotëm duke bërë publik lajmin emocionues për të gjitha fansat e tyre. Në videon e publikuar, titulli i së cilës është “GEM”, si emri i ri i grupit të tyre, Mel B ka thënë: “E kemi menduar gjatë, kemi fansat më të mirë në mbarë botën”. Geri shton: ‘Keni qëndruar me ne për 20 vite rresht dhe për këtë duam t’ju falenderojmë shumë”. Ato më pas kanë treguar se do të organizojnë një festë ku do jenë të ftuar të gjithë. Edhe pse nuk janë zbuluar detaje të mëtejshme, një burim pranë tyre ka deklaruar se Mel B, Emma dhe Geri do të organizojnë një koncert në “Hyde Park’ në Londër për të lançuar ribashkimin e tyre, korrikun e ardhshëm.