Turjan Hysko i është rikthyer muzikës pas disa vitesh mungesë dhe mori të gjithë vëmendjen e merituar. Kënga e re që ka publikuar quhet ‘Artisti’ dhe siç ai ka cilësuar, ky projekt i dedikohet të gjithë artistëve të vërtetë, si një mënyrë për të thënë faleminderit për gjithçka i dhanë skenës shqiptare. Megjithëse është një këngë e menduar prej kohësh, siç vetë Hysko pranon, ka mbetur në sirtar deri tani.
https://www.instagram.com/p/BuCFXMFh2ia/
Me muzikë nga Kujtim Laro dhe orkestrim të Shpëtim Saraçit, kjo këngë i ka bërë të gjithë të reflektojnë për vlerat që kanë humbur nga komercializmi që ka pushtuar të gjitha fushat e artit. Nëse do ta dëgjonit këngën, do kuptonit shumëçka nga teksti i ndjerë dhe i sinqertë, por do të ‘fiksoheshit’ edhe pas melodisë së bukur, aspak komerciale që na riktheu edhe njëherë në kohën kur muzika kishte vlerë dhe muzika bëhej për shpirtin nga artistë të vërtetë. Video ka në qendër imazhe të artistëve më të mëdhenj të skenës shqiptare një pjesë e mirë e të cilëve nuk jetojnë më.
https://www.instagram.com/p/BuEiIM5BvLB/
Turjani u rikthye fuqishëm dhe për këtë biem të gjithë në një mendje. Sa mirë do të ishte që ky projekt të mos kishte mbetur në sirtar për kaq shumë kohë!/revistawho.com
