Këngëtarja Rita Ora ka ardhur së fundmi në vendlindje, por jo për një koncert apo diçka të ngjashme. Bashkë me të ëmën, ajo ka vizituar Kosovën si përfaqësuese e ‘UNICEF UK’ për të parë gjendjen e fëmijëve në vështirësi ekonomike dhe për të ndihmuar ata që kanë nevojë emergjente.
Ky udhëtim ishte paralajmëruar më herët nga këngëtarja, ndërsa fotot e para janë publikuar nga Vera, nëna e saj. Pamjet janë shumë të trishtueshme dhe larg imazhit që janë mësuar të gjithë të shohin kur një personazh si ajo vjen në Kosovë.
Rita është ambasadore e organizatës jofitimprurëse që ndihmon njerëzit në nevojë në mbarë botën. Edhe për disa ditë në vazhdim, pritet që këngëtarja të vazhdojë të përkushtohet për të ndihmuar të tjerët duke u shkëputur kështu nga angazhimet profesionale me turin muzikor. /revistawho.com
